Основно училиште и средно економско-правно образование (С.У. „Борис Ќидрич„) има завршено во Скопје.

По завршувњето на средното образование се запишава на Националната Академија за Театар и Филм „Крсто Сарафов„ во Софија – Република Бугарија каде што студира  Театарска и Филмска режија. Факултетот го завршува во август 1994 година со диплмоската претстава „НОРА„ од Ибзен и со филмот „Воскресение„

Во учебната 99/2000 година се запишава на Факултетот за драмски уметности, на постдипломски студии по театрологија. Во моментов го работи магистерскот труд „Македонска Режија – историја, теорија, естетика, поетика„

Во 1991 година го формира  Театарот „Боеми„ каде што до денес има  продуцирано и режирано 20 театарски претстави. Во 1993 година го иницира формирањето и до денес е Претседател на Театарска Младина на Македонија –   водечка театарски организации во земјата, членка и македонски центар на меѓународните организации за аматерски театар, едукација преку драма, театарски критичари, театар за деца и млади, театар при универзитет, слободни театарски иницијативи и друго. Раководел со три театарски кампањи на национално ново;

Основач е и главен и одговорен уредник на Списанието „ТЕАТАР„ и порталот www.teatar.com.mk

Претседател е  на Македонскиот Центар за Култура и Развој – културолошка организација од земјата која се занимава со проекти поврзани со развојот на македонската култура и нејзиното претставување во светот. Во 1999 година бев на студиски престој во Њујорк – САД.

Раководител е  на долгорочниот проект СКОПЈЕ-МЕТРОПОЛА – за создавање на нова културна политика за градот и општините;

Претседател е  на Советот на Република Македонија за социјалната димензија на спортот без насилство, национализам и расизам.

Има  учествувано на повеќе од 80 меѓународни конгреси, конференции, фестивали и настани поврзани со театарот, културата, евроинтеграциите и меѓународната културан соработка и спортот, во земјата и светот.

Како резултат на  политичкиот ангажман   ги вршел функциите: Заменик градоначалник на Општина „Ѓорче Петров„ , Советник во општина „Ѓорче Петров„ , Советник во Советот на Град Скопје и Претседател на Комисијата за култура на Град Скопје. Во моментов е претседател на Надзорниот Одбор на јавното претпријатие „Службен Весник на РМ„

      Од Ноември 2006 година е вработен како Режисер и Секретар за меѓународна соработка во Македонскиот Народен Театар. Основач е и Претседател на  

WORLD THEATRE.

      Објавува  поезија, драми, есеи и други текстови поврзани со театарот, уметноста  и културното и општественото живеење во земјата и светот.

      Оженет е, има син и ќерка и живее во Скопје.